കെട്ടിടം പൊളിഞ്ഞു വീഴാറായ നിലയിൽ: വൈദ്യുത വകുപ്പിലെ ജീവനക്കാർ എത്തുന്നത് ഹെൽമറ്റ് ധരിച്ച്

ഇ വാർത്ത | evartha
കെട്ടിടം പൊളിഞ്ഞു വീഴാറായ നിലയിൽ: വൈദ്യുത വകുപ്പിലെ ജീവനക്കാർ എത്തുന്നത് ഹെൽമറ്റ് ധരിച്ച്

രാവിലെ സർക്കാർ ഓഫീസിലെത്തിയ നാട്ടുകാർ അമ്പരന്നു. ജീവനക്കാർ കസേരയിൽ ഇരിക്കുന്നതും അങ്ങോട്ടുമിങ്ങോട്ടും നടക്കുന്നതുമെല്ലാം ഹെൽമറ്റ് ധരിച്ചുകൊണ്ട്. ഉത്തർപ്രദേശിലെ ബന്ദ ജില്ലയിലെ വൈദ്യുത വകുപ്പിന്റെ ഓഫീസിലായിരുന്നു ഈ വിചിത്രമായ കാഴ്ച.

ഓഫീസ് സ്ഥിതി ചെയ്യുന്ന കെട്ടിടം ഇടിഞ്ഞുപൊളിഞ്ഞ് വീഴാറായതിനാലാണ് ജീവനക്കാർ ഇത്തരമൊരു മുൻകരുതൽ എടുത്തിരിക്കുന്നത്. കെട്ടിടത്തിന്റെ മേൽക്കൂര പൊളിഞ്ഞ് തങ്ങളുടെ മേലേയ്ക്ക് വീഴുമെന്നാണ് ജീവനക്കാരുടെ ഭയം.

താൻ ഈ ഓഫീസിലെത്തിയിട്ടു രണ്ടു വർഷമാകുന്നുവെന്നും അന്നുമുതലേ കെട്ടിടം ഈ അവസ്ഥയിലാണെന്നും ഒരു ജീവനക്കാരൻ വാർത്ത ഏജൻസിയായ എഎൻഐയോട് പറഞ്ഞു. തങ്ങൾ പലതവണ അധികാരികളോട് പരാതിപ്പെട്ടിട്ടും ഫലമൊന്നുമുണ്ടായില്ലെന്നും ജീവനക്കാർ പറയുന്നു.

Banda: Employees of electricity dept wear helmets to protect themselves from any untoward incident while working in dilapidated office building. One of the employees says,"It's the same condition since I joined 2 yrs ago. We've written to authorities but there is no response". pic.twitter.com/S3MYarY6zi

— ANI UP (@ANINewsUP) November 4, 2019

ഓഫീസിന്റെ ദയനീയാവസ്ഥ എഎൻഐ പുറത്തുവിട്ട ചിത്രങ്ങളിൽ നിന്നും വ്യക്തമാണ്. മേശകളോ അലമാരകളോ ഇല്ലാത്ത ഓഫീസിനുള്ളിൽ പേപ്പറുകളും ഫയലുകളും എല്ലാം ചിതറിക്കിടക്കുകയാണ്. മേൽക്കൂര നിറയെ ദ്വാരങ്ങളാണ്. മുറിയ്ക്കുള്ളിലെ ഒരു തൂണിന്റെ ബലത്തിലാണ് മേൽക്കൂരയടക്കം എല്ലാം നിൽക്കുന്നത്.

Copyright © 2019 Evartha.in All Rights Reserved.

from ഇ വാർത്ത | evartha https://ift.tt/34uezBv
via IFTTT